كنت بدور على الأنترنت زيى زى غيرى عن أخبار السيارات فى العالم سواء كانت يابانيه أو أمريكية أو كورية أو صينيه أو فرنسيه لأن فيه دول متميزة جدا فى السيارات على الأقل بتنتج كل شئ بنفسها بالكامل و أساميها عملت علامة جامد فى عقول العالم , و بالتأكيد تستاهل هذا لأن الشركات دى فتحت من فترة طويلة جدا و صبرت فى عصر كان أستحاله فيه الشهره أو الأنتاج إلا بعد الأبتكار و الأبداع , و لكن أحزننى جدا لما عرفت أن شركة سيات الأسبانيه بدأت زى نصر المصريه بالظبط فى تجميع سيارات فيات الأيطاليه و لكن شوف الفرق دلوقتى سيات بتنتج أية و وصلت لأية و ساعدت فى أقتصاد أسبانيا أد أية و نصر فين دلوقتى و شردت كام أسرة بعد أغلاقهارؤية أعلان بفرحه و شك
زيى زى باقى الناس إلى بتتابع الجديد سواء كانت أخبار أو صور سيارات معدله أو أخبار سيارات و توكيلات محليه أو أسعار سيارات جديدة و مستعمله حبيت أدور على أسعار سيارات مستعمله عشان أعرف أخبار السوق و لقيت مكتوب أرخص سيارة فى العالم موجوده فى مصر قولت دى حاجة جميله أوى و فى الأخر لقيت سعرها 25 ألف جنيه مصرى قولت أزاى اذا كان أرخص سيارة فى العالم سعرها لا يتعدى الـ10 ألاف جنيه مصرى قولت بالتأكيد دى أكيد بعد الجمارك والضرايب و مكسب الوكيل و المستورد هيكسبوا كلهم فى السيارة الواحدة 150% من تمنها فأستغربت و قولت برضة الجمارك والضرايب لسه بيسرقوا و لكن لقيت فى الأعلان دة حاجة لفتت نظرى جدا , و أن السيارة صاحب الأعلان بيقول إنها مصريه بالكامل بنسبه 100% و دا إلى من أول النقطة دى خلانى أشك وأقتنع أن الموضوع فيه مشكلة لأن مصر للأسف مفيهاش مصانع تغذيه بالكامل لصناعة سيارة بنسبه 100% يعنى من النهايه فيه مكونات من السيارة غير متوافرة فى مصر أو بصناعة محليه
الأستمرار على الفرحه
أستمريت فتره طويله جدا فرحان بالأعلان دة على سبيل أن حتى لو فيه كذب فى الخبر بتاع المكونات مصريه بالكامل فده أكيد فيه نسبه كبيرة الحمد لله تم أنتاجها فى مصر و لكن برضة مع تحفظى على السعر لأنها مش أرخص سيارة فى العالم و الدعايه بدأت بكذبتين فى وقت واحد و لكن قولت مفيش مشاكل ممكن تكون طريقة للأعلان لجذب الناس مش أكتر و لكن برضة الشك فيا قالى أول سيارة فى مصر لازم تكسب ثقة العميل يعنى المفروض الكدب دة مكانش يحصل , و رجعت قولت لنفسى يمكن برضة الدعاية فى التليفزيون هتختلف دا غير التجارب نفسها ممكن تنسى الناس الكدبتين دول و مش مشكله يعنى دا على سبيل الدعايه و الأعلانمناقشتى مع الناس و زيادة اليأس
كلمت ناس كتيرة من الخبرات إلى عارفهم فى مجال العربيات كانوا لسه مش عارفين حاجة و قولتلهم هيا مصر تقدر تنتج سيارة بالكامل 100% قالولى لأ طبعا فين مصانع التغذيه و لازم عشان تنتج سيارة بالكامل أولا مش هتعتمد على مصانع تغذيه خارجيه لأنها هتديك الحاجة سعرها عالى ثانيا هتعمل مصنع للسيارات بمصانع التغذيه الخاصه بيه عشان تعمل اكتفاء فى تصنيع السيارة بالكامل بأرخص سعر و أكتر قطع تلائم السيارة بالكامل و دا مش هيتعمل فى يوم و ليلة و الكلام دة طبعا أنا كنت عارفة و متأكد منه بس حبيت أتأكد برضة زى مابيقولوا و لما فتحتهم فى موضوع أن فيه سيارة مصريه أسمها نانو أيجيبت و بيتقال أنها مصريه 100% لقيتهم ضحكوا و قالولى دا تلاقية واحد كاتب أى كلام أو بيهزر بس لما قولتلهم أن فيه صور للعربيه ضحكوا كدة و قالولى أية دة يا أبنى دة فين مواصفاتها و لما دورنا مع بعض على المواصفات كانت المفاجأةأراء صحابى فى المواصفات
أول واحد قالى هاتلك توك توك بـ3 عجلات أحسنلك لأنك فى الحالتين هتبقى كوميدى و الناس هتضحك عليك قولتلة أنا مش عايز أجيبها أنا يا دوب أتخدعت و فكرتها مصريه و فرحت بس قالى أة واضحتانى واحد قالى الله و دى بتمشى بجد !
تالت واحد قالى أعملك زيها بـ 5000 جنيه !
رابع واحد قالى و دى بتكبر بعد كدة ؟
خامس واحد متكلمش خالص
أقتناعى أنها فاشله و عملية النصب
بعد ماكنت بحاول أقنع نفسى و أنا مش مصدق إنها ممكن تكون كويسة لو أمكانياتها زى الماروتى مثلا بالظبط و سعرها يكون فعلا رخيص و أن الـ25 ألف جنيه دول ممكن يجيبوا عربيه كورى مستعمله أو شاهين و على الأقل طبعا مفيش مقارنه بين الأسامى دى و نانو أيجيبت الأقل كمان من التوك توك بسبب تقلها , قررت أننا أدعبس و أدور أكتر عن سر السيارة دى و أكشف حقيقتها و زى ماأخدت وقت طويل فى البحث عن معلومات عنها و أنا فرحان هاخد وقت أطول لكشف حقيقتها عشان الناس متقعش تحت عملية نصب جديده و فلوسها تضيع عليها و يبقى فات الوقت على الندم 
4 التعليقات:
طيب يعني ايه حوار نانو دي ؟؟؟؟؟؟؟؟؟؟ يعني هيا بحق وحقيق ولا اشتغالة ؟؟؟؟؟؟؟؟؟؟؟؟ الواحد كان فرح انها رخيصه ومصريه وفول اوبشن ناقصلها حنفية سخن وبارد وتبقى زي الفل ~_~
أنا مندهش بصراحه و اتأكدت من كذا واحد ان الحوار كله اشتغاله و ضحك على عقول الناس ولا فل اوبشن ولا حاجة دى توك توك بربع عجلات
ومن اللعب بالكلام يقولك من مميزاتها ان العجل ضد الثقوب مهو يبقي العجل التيوبلس ابن الغبي انا علي قد ما بكرة الادا بس طلعت برقبتها دي عربية فاشلة وطلع التوك توك برنس عنها
بعد رد الأخوة اللكرام
كلامك نسيباً صحيح بنسبة كبيرة
فإننى ذهبت وتحدثت وكلى ثقة مع مخترعها ولاكن لحظة من فضلك
المكتب يوجد امامة ماكيت خربان للسيارة
المكتب لايوجد بيه يفطة تدل على انه المكتب المختص ودخلت بالغلط المكتب المقابل
عند مواجهة مخترعها وهذه السيارة التى تبلغ قوتها 1300 سى سى من الثبات للسرعة القصوى فى اد أيه رد علية رد غريب قالى : تصل لسرعتها القصوى وهي طبعا 100 كيلومتر فى الثانية تصل فى 4.6 من الثانية ,
غريبة هل السيارة مزودة بتربو ام بمطور نفاس فكان توقى ردة يوق مثلاً فى خلال 10 ثوانى أقل أو يذيد قليل
وقال لى لتجربة السارة لقساي السرعة القصوى تحتاج لمدرج طيران وتم إختبارها بمعدات دخل المصنع ألخ
والله على ما اقولة شهيد
فإننى كنت بالفعل متحمس للفكرة وبالفعل كنت بحاول تشجيع الأمر للنجاح وقيادة حملة تسويق رهيبة ولاكن ومن الواضح خيبة أمل وغش
ولاكن الأغرب لما لم يتم حتى الأن إظهار الحقائق وإيقاف هذا الشخص عن العبث بفرحتنا بشئ ناجح
إرسال تعليق