متى سنرى سيارة بالفعل مصريه ونفتخر بها
لأرضاء الشعب المصرى و بدون كذب أو خداع أو طرق للربح فقط , متى سنرى سيارة مصريه بالكامل تكون بكامل مكوناتها مصنوعة فى مصر و بمواصفات تناسب الأسرة بالكامل و الطرق
نكشف لكم حقيقة السيارة نانو أيجيبت
لعدم الوقوع فى عمليات نصب أو سرقة يجب أن تعرف ماهى السيارة نانو أيجيبت و ماهى مواصفاتها و من هو الشخص المدعى بأنه مخترع سيارة مصريه بالكامل
الجمارك و الضرايب الموجوده فى مصر سرقة علنى
من المعروف فى أى دولة فى العالم أن الجمارك والضرايب لا تزيد عن حد معين إذا كان لا يوجد منتج محلى و يتم زيادة الجمارك والضرايب لحماية المنتج المحلى , فأى منتج فى مصر يعتبر محلى ؟ و بما أن لا يوجد منتج محلى فهل الجمارك والضرايب تحمى رجال الأعمال و التوكيلات و نصبح أول دولة تفعل هذا ؟
أعرف الحقيقة حتى لا يتم خداعك
بدون أى مصالح شخصية قررت أن أعمل هذا الموقع لكى يعرف الجميع الحقيقة التى تستفز الجميع و للأسف يوجد الكثير يصدق الكذب الذى يقال حوله
ابدأ من نفسك بعد الثورة و أتغير للأفضل
بالتأكيد طالبنا فى الثورة بحرية و حقوق للإنسان فى الرأى و التعبير و لكن نريد أن نغير من أنفسنا للأفضل دائما ولا نستخدم هذه الحريات بدون وعى , فيجب عليك ألتزام قواعد المرور و الطرق و حماية نفسك و الأخرين ولا تتهور فى قيادتك للسيارة حتى لا تضر نفسك أو غيرك من الأبرياء
متابعة كاملة عن السيارة "تحرير" حلم مستقبل مصر فى صناعة السيارات
بداية و أسباب حتى أغلاق مصنع نصر للسيارات المصريه , فيديو الحلقة كاملة
مكنتش عارف أحط الموضوع دة فين يعنى فى أخبار السيارات و لا حلم العمر و أول سيارة مصرية ولا فى فساد التليفزيون و الأعلام , بس أنا حسيت أن فساد التليفزيون و الأعلام أكتر حاجة قريبه من الموضوع دة لأنهم برضة مسؤلين عن الموضوع بشكل كبير و أن محدش أهتم ساعتها بالمصنع دة فى بدايه أغلاقة و تسريح العمال و لا حتى تم مناقشة الموضوع من أصلة , يعنى من النهايه الموضوع كله فساد فى فساد و نصب فى نصب من النهايه وفيه ناس من مصلحتها أن مصنع زى دة كان يتقفل عشان نستورد كل حاجة والحاجة أم جنيه تبقى بـ100 جنيه و ميبقاش فيه أمل كمان أننا نصنع سيارة مصريه فى يوم من الأيام
و بدأت الشركة فى الأفتتاح عام 1959 تقريبا
و عدى عليها أيام و سنين و عشرات السنين
حتى أنتجت السيارة رمسيس و الناس قالت دى مصريه 100% و سموها بعد كدة تاره
الحديث كان مثير جدا و فيه حقايق ممكن أول مرة تسمعوها
كان فى برنامج أسمة "البيت بيتك" مع المذيع "تامر أمين"
كان فى برنامج أسمة "البيت بيتك" مع المذيع "تامر أمين"
دا الجزء الأول
دا الجزء الثانى
دا الجزء التالت
دا الجزء الرابع و الأخير
طلاب جامعة عين شمس فى مهرجان مصر للعلوم بسيارة فورميلا مصريه 100%
طبعا فكرة كويسة جدا أن يكون فيه فرق كتيرة بتعمل سيارات فى مصر او جامعات كتيرة , و دا إلى طلاب جامعة عين شمس كلية هندسه بيحلموا بيه أن يكون كل كليات هندسه فى مصر بتنافس و بتعمل سيارات , و بتعمل أفكار جديدة , المنافسة الشريفة أكيد مفيش أحسن منها , لأنها بالتأكيد هتنتج أفكار جديدة و بالتالى هيكون التطوير أسرع بكتير , و هيشارك مجموعة الشباب دول فى مهرجان مصر للعلوم و نتمنى كدة أنهم يعملوا حاجة تكون فعلا فخر لينا و تطوير كويس لعالم السيارات فى مصر
محمد كمال صاحب الـ18 عام يخترع فكرة لسيارة ضد الحوادث
طبعا لما تشوف واحد مصرى بيخترع او بيبتكر حاجة فى الوقت الحالى دا بيخليك تقول الحمد لله أننا بشوف حد من بلدى بيعمل حاجة عدله فى الأيام دى , و دا إلى هنشوفة فى محمد كمال صاحب الـ18 سنه فقط و أختراعة لسيارة ضد الحوادثمحمد كمال مواليد 4 / 10 / 1992 طبعا حد هيقولى المفروض يكون عنده 19 سنه هقولة لأ الموضوع بقاله سنه و هو أخترع الحاجات دى و هو عنده 18 سنه بس
الكلام دة متاخد من اليوتيوب "على مسؤلية رافع الفيديو"
من أختراعاته (سيارة ضد التصادم - سيارة ذات رفاهيه للمستخدمين - جهاز مضاد للتدخين - حصول على طاقة متجددة بدون الأستعانه بالوسائل التقليديه - مبتكر حلول للتسويق)
المدهش أن محمد كمال صاحب الـ18 عام عضو فى نموذج محاكاة جائزة نوبل
كان فى برنامج الحياة و الناس مع رولا خرسا
فكرة ماتور يعمل بالماء و لكن بداية التشغيل بالبنزين و ينقى البيئة و يوفر فى الوقود + جهاز للتخلص من النفايات من المخترع أحمد المصرى
بالتأكيد أختراع كويس جدا و لكن للأسف تم أستغلالة فى شركات كبيرة , لأن زى مانتوا عارفين أن فى مصر هنا أى حد بيفكر يا أما تفكيرة بيكون مالوش قيمة بالنسبه للسؤلين يا أما بيتسرق و مهما يشتكى محدش هيسمعله شكوى , على العموم دا أختراع مصرى و كانت هدفة تنقية البيئة و أستخدام المياة بديلا للوقود و فى نفس الوقت توفير للوقود , و قال أن المايا لما يدور فيها ثانى أكسيد الكربون و بيتم الطاقة المتجدده , للأسف المخترع أحمد المصرى لما قدم كل أختراعاتة قابل عدم الجديه فى التعامل معه و كان الرد عليه يقول فوت علينا بكرافيديو من برنامج القاهره اليوم و تقرير مع أحمد المصرى
4 شباب بأقل المجهودات و أول سيارة تعمل بدون سائق فى مصر
مش هقدر أقول غير أنهم أشخاص عباقرة رغم تنفيذ الفكرة فى عدة دول و مصانع كبيرة , لكن لما يكون أربع شباب بس يقدروا يعملوا حاجة مصانع كبيرة و شركات عالميه توصلت لها قبل كدة يبقى دة أنجاز كبير جدا و مجهود محدش يقدر ينكره للأشخاص دول , طبعا التجربه كانت مرة لوحدهم و طريقة التركيب فى فيديو و الفيديو التانى كانت بتتجرب وسط الناس كلها عشان برضة يتم أثبات نجاح الفكرة أمام الجميع , و يتم التحكم بالسيارة عن طريق الكمبيوتر بأشارات إلى الجهاز الموجود بداخلها و يمكن التحكم فى السرعة و الدوران لليمين أو الشمال بواسطة مايشبه بكتينه العجله , و بالتأكيد الفكرة دى مش هتكون فى سيارات موجوده فى الشارع ولكن ممكن يتم أستخدامها فى الجرارات أو المعدات الحربيه مثل الطائرات بدون طيار و هكذا و نكتفى ذاتيا سواء من المساعدات الأجنبيه فى تطوير هذا المشروع أو من الخبرات الأجنبيه و نستبدلها بشباب مصرى كامل سواء فى المساعدات او الخبرات
أسامى العباقرة الأربعة
مازن - سويلم - مصرى - وكيل
الفيديو الأول للسيارة و هما بيركبوا المعدات بتاعتهم و بيجربوها
و دى ساعة التجربه أدام الجميع
فياترى بعد الثورة هل المفكرين و أصحاب التنفيذات حتى لو كانت موجوده فى مصانع او دول كبيرة قبل كدة هيتم النظر لهم ولا على أساس أنهم ممكن يعملوا حاجة أو يشتغلوا حتى فى مصنع مستقبلى لأول سيارة مصريه , و لا برضة رجال الأعمال هتفضل ماسكة التوكيلات و تحارب فكرة أول مشروع سيارة !؟
تصميم 4 نماذج بالكامل لسيارات مصريه من طلاب فنون تطبيقيه فى دمياط فى حلقة كاملة مع محمود سعد و جميع الفيديوهات الخاصه بهم ثم مرحله الأحباط
أربع عربيات الفريم بالكامل بالفرش و التابلوه ماعدا شئ واحد و هو الميكانيكا , و أكد عميد كلية الفنون التطبيقيه بدمياط أن لو حصل تعاون بين كليه فنون تطبيقيه التى أنتجت تصميم السيارة و الصاج بالكامل و بين كلية هندسه هيقدروا يعملوا الميكانيكا بالكامل و تكون السيارة بالكامل مصريه 100% و لكن الميكانيكا بالكامل مأخوذة من سيارات أخرى و هذا ماينقصهم فى الوقت الحالى
و على فكرة فى أخر الموضوع هتتصدمم صدمه مفيش بعدها ولا قبلها
بس خلينا الأول فى التفائل
و على فكرة فى أخر الموضوع هتتصدمم صدمه مفيش بعدها ولا قبلها
بس خلينا الأول فى التفائل
رأى الطلاب عند البدأ فى التصاميم
تكون السيارة بتصميم جديد و بطريقة عصريه لأن مصر تفتقر إلى السيارات ذات التصميم الجيد , و التكليف يكون بسيط و على أد أمكانيات الطلبه لأن التكلفة بالكامل كانت من الطلاب , و أكدوا كل الطلبه أن إذا توفرت الأمكانيات ستكون أقوى بمراحل من الذى تم تصنيعه حاليا و ستكون أوفر أيضا فى السعر
و أكد الطالب الذى تم أستضافتة فى برنامج محمود سعد أن نسبه التصنيع للسيارة حوالى 70% مصرى و 30% مأخوذ من سيارات أخرى نظرا لعدم توافر المال و الوقت و المكان و المصانع لأنتاج باقى النسبه
تكلفة السيارة الواحدة كانت حوالى 30 ألف جنيه و لكن ده عشان مفيش امكانيات و تم عمل كل شئ بطرق بسيطة لكن إذا توافرت المصانع و الماكينات سيتم تخفيض سعر السيارة لرقم أقل بكثير لأن الماكينات تنتج كميات أكبر و توفر فى المال فيما بعد و المجهود الذى يستخدم فى أنتاجها
رأى المشرف على الطلبه
أن كانت صعب جدا تحقيق المعادله دى فى عدم توافر أى دعم أو أمكانيات و كمان الطلبة هما إلى متحملين التكاليف بالكامل فكانت أيضا صعبه جدا عليهم يعنى الراجل بمعنى أصح كان عايز يقول "أن دة أهمال من الحكومة" و عدد الطلبه العاملين على السيارة 19 طالب تم تقسيمهم إلى 4 مجموعات
كل مجموعة كان ليها وظيفة معينه
المجموعة الأولى لأنتاج سيارة فارهه أو بمواصفات و كماليات كثيرة
المجموعة الثانيه لأنتاج سيارة أقتصاديه بالكامل لظروف الشعب المصرى
المجموعة الثالثة لأنتاج سيارة من الطبيعه يعنى مستوحاه من طائر الرخ
المجموعة الرابعة لأنتاج سيارة شبابى و رياضية
و أن كان الهدف للطلبه و المشرفين لعمل سيارة تتماشى مع الموضة العالميه و ليست أى سيارة و السلام
و أكد المشرف أن العمل كان على أستراتيجيه مرحلتين لأستغلال الوقت و أستغلال كل الاموال بصورة سليمه
(مرحله التصميم و التخطيط - مرحله التنفيذ)
مرحله التصميم أستمرت لمدة 3 شهور
مرحله التنفيذ أستمرت لمدة 4 شهور
و أكد أن السيارة كفاءة جدا , و أيضا يمكن عمل سيارة بوليستر بالكامل مثل أتوبيسات النقل السياحى و بعض السيارات الحديثة و تكلفتها ستكون أرخص بالكامل من أى سيارة أخرى
الفيديو على جزئين من تقرير مع محمود سعد بالكامل و أراء المشرف على الطلبه و خطة التطوير المستقبليه لإنشاء سيارة مصريه بالكامل و نزولها فى الأسواق مع تحديد أمكانيات المستهلك المصرى و توافر الأنتاج و خدمة مابعد البيع و كانت مناقشة كويسة جدا
و دا فيديو تانى بعيدا عن حلقة محمود سعد لتجربه السيارة الى سموها Monto
و دة فيديو تانى فى معرض فورميلا الأهرام 2010 و للأسف مفيش واحد من التوكيلات أهتم بيها
طبعا أنا شايف ان لو تم أندماج بين كلية فنون تطبيقيه و كليه هندسه و تم أنتاج سيارة مصريه بنسبه 100% لازم الحكومة المصريه تاخد قرار فورى بإنشاء مصانع خاصة بأنتاج السيارات أو مصنع يكون تابع للأنتاج الحربى و يتم العمل على هذه السيارة فى أسرع وقت لزيادة الأقتصاد المصرى لأن لو هنبص دلوقتى لدول كتيرة ممكن نلاقيها بتعتمد على صناعات كبيرة زى السيارات فأكيد مفيش وقت نضيعه و لازم الحكومة تستوعب كدة جيدا أن الوقت إلى بيضيع بيضيع معاه الشعب بالكامل سواء كان فى الأقتصاد أو فى توفير فرص عمل أو فى تكفل العقول المفكرة و أعطائهم حقوقهم فى بلدهم
صور تصميم السيارات الأربعة
لكن نيجى للصدمه زى ماوعدتكم
الدفعة دى كانت سنه 2009 أو 2010 مش عارف بالظبط التاريخ للأسف و طبعا فى حفلة التخرج محدش حتى أهتم بيهم نهائيا و معرض الفورميلا طبعا كان تطنيش كامل و محدش كان بيبصلها من رجال الأعمال , و بدل ماتكون السيارة محطوطة فى الكلية أو فى مبنى كتاريخ لأنتاج الكلية و الأنجاز إلى حصل و يتم المحافظة عليها للأسف هتشوفوا بقيت أية , دة عملهم حالة أحباط غير طبيعيه و هتشوفم برضة الأحباط دة وصلهم لأيه و وصل السيارات لأية من الركنه
تم تدميرهم بالكامل بعد مشروع التخرج و الطلبه فى حاله أحباط و يأس شديد بعد التخرج
مش هقول غير كلمة واحدة بس
مش هقول غير كلمة واحدة بس
يا أما الحكومة فى الفتره القادمه تستغل العقول المفكرة صح
يا أما حسبى الله و نعم الوكيل
شوف الأحترام , شيفروليه كورفيت يتم أستدعائها لمعالجه مفاصل السقف
حبيت أتكلم عن الموضوع دة مش عشان الشيفروليه نفسها لكن عشان أعرفكم أن حياة و سلامة المواطن الأجنبى مهمه و الشركات بتشتغل مش عشان تبيع و خلاص و لكن عشان خدمة مابعد البيع كمان و عشان أعرفكم الفرق مابين أهمية حياة و سلامة المواطن الأجنبى من المصرى , أكيد برة العالم كله بيهتم بروح الإنسان و أهم شئ عندهم أحتياطات الأمن و السلامة فى السيارات و عشان كدة تم أستدعاء 5755 عربيه شيفروليه كورفيت موديلات 2011 و 2012 الكوبية بدايتا من يوم 7 أكتوبر لأحتمال عيب فى مفاصل السقف المكشوف و فكه عند الأصطدام أو الحوادث , و لو نركز هنلاقى مكتوب كلمة "أحتمال" يعنى الموضوع غير مؤكد فى كل السيارات الموجوده و دا كمان السقف يعنى مش الدعائم الصلب أو مشكلة فى حاجة تانيه , و أكدت شركة جنرال موتورز أن المفاصل لسقف كورفيت متطابقة للمواصفات الفيدراليه فى الوزن و الحجم و سيتم تغيير المفاصل مجانا للجميع
السؤال إلى محيرنى ومحير الجميع دلوقتى / لو السيارات الموجوده فى مصر دى تم الكشف عن عيوبها هل تتخيل هيكون فيه عربيات أصلا فى مصر ولا العربيات كلها هتتسحب !؟
كوميديا الردود على أعلانات نانو أيجيبت , كتابة الموضوع و الرد عليه من نفس الشخص
زى ماوعدت الجميع أننا أكشف لكم كل حاجة فى العربيه دى , حبيت برضة أكشف لكم شخصيات الناس إلى عاملة العربيه نفسها و هتضحكوا لحد مايحصلكم حاجة إنهاردة أصل الموضوع متصور كمان و الرجاله إلى مع رضا غازى بتضحك على نفسها و بترد على نفسها برضة و دى عينه بس من الفضايح إلى موجوده ليهم و أتقلوا عليا شوية هجيبلكم حاجات كوميديا , و بعد ماعرفتكم أن رضا غازى معاة أعداديه و أنه أتغرم 100 ألف جنيه بسبب رفع قضية من مصنع الأنتاج الحربى عليه من سيد مشعل و تم الحكم بغرامة 100 ألف جنيه لصالح مصنع الأنتاج الحربى
طيب إلى حصل دلوقتى بقى أن الناس دى عاملة مدونه و كاتبة فيها مواصفات سيارة و أنها المنتظرة و كلام مبالغ فيه جدا
طبعا الكومنتات على المواضيع دى كلها أنتقادات و شتايم على العربيه و لكن لو صحاب رضا غازى أو رضا غازى نفسه دخل شكر فى العربيه يبقى كدة بيأثر تأثير غير مباشر على الناس عشان يقتنعوا بيها يعنى على رأى المثل إلى ضيع شعب كامل "أسئل مجرب ولا تسألش طبيب"
بس عشان رضا غازى و زمايله إلى شغالين فى السبوبة دى تبيع كان لازم يطلع علينا واحد منهم يقول عكس ردود الناس
و دا إلى حصل فعلا يعنى كتبوا الموضوع و بيردوا على نفسهم يعنى من النهايه على رأى الكورة "خد و هات"
طيب يا جماعة غيرو شوية فى أسلوب كتابتكم من كوبى و بست كدة
أدى الصور بتاعة المدونه أضغطوا عليها عشان تكبروها بقى
الكلام إلى أتقال كالاتى عشان ممكن ميبانش من الصورة لأنها JPG
يا جمـاعة انا رحت و شفت العربية جميلة جدا واشترتهاو ركبتها على طريق مفتوح لقيتها وصلت 120 و عملية جدا مش حد يخاف منها خالص وليها قطع غيـــار اكتر من العربيات الموجودة فىالسوق بقالها 20 سنة هى معايا بقالها 5 اشهر اديتها بنزين فى الفترة دى بتاع 7 مرات بنزين لغاية وهى من جوه واسعة جدا و انا وديتها لميكانيكى وقال العربية فيها ميزة ان الرايدتير قدام لان دورة المية فى الماتور بتكون باردة علشـان كدة العربية مش بتسخن خالص هى عربية زى اى عربية وكل النـاس الى بتشكك فى العربية انا وائق انهم حا يشتروها فى يوم من الايام لانهــا صغيرة ومليـانة ميزات و على فكرة الاخ الى بيقول التفنيش من جوة مش حلو واضح انك لا رحت و لا شفت العربية اصلا لان التابلو من جوه جميل جدا و الصالون ايضـا جميل شكرا و الى الامـام و انشــاء الله بعد شوية نشوفـهــا بتتصنع فى مصر و حا اقول حاجة الصين دة شعب عظيــم و الى بيقول الموبايل الصينى دة احب اقولو حاجة ان 71 % من شعب مصر معاه موبايل صينى شكراااا .
لأن فيه ناس أنتقدت العربيه كتير جدا و لكن دة حب أنه يلمع فى العربيه و أسم عضويتة PesFox من الغريبه بقى ان العضوية دى هيا إلى بترد دايما على مواضيع النانو أيجيبت و هيا دايما إلى بتشكر فيها يعنى واحد يكتب مواضيع و التانى يتعارك مع الناس إلى بترد , دا لو مكانش هوا هوا نفس الشخص ماهو ممكن يكون مسجل مرتين ولا بتاع وزى ماقولتلكم أكيد كل دة أتعمل عشان يتم تأثير غير مباشر على الناس و تحس إنها فعلا عربيه
فى الأخر مفيش كلمة زيادة ممكن تتقال غير أن الموضوع كوميدى و لو هنتكلم جد بقى
فحسبى الله و نعم الوكيل
و ربنا يشفى كل مريض
تحذير من أنتشار سرقة السيارات و الموتوسيكلات
أول حاله : أربع أفراد حاولوا سرقة موتوسيكل محمد عرفة عبد الجليل فى قرية سيف الدين فى الزرقا و كان بحوزة الأربع أشخاص سلاح نارى و عند هروبه من البلطجيه بالموتوسيكل الخاص به تم أطلاق النار عليه و أصيب فى قدمه
ثانى حاله : سائق ميكروباص تم سرقة سيارتة و قامت مجموعة البلطجيه بمساوة صاحب الميكروباص بمبلغ 30 ألف جنيه مصرى مقابل أرجاع السيارة مره أخرى له
فأحذروا جيدا أن هناك الكثير من الناس يحاولون سرقة أى سيارة فى الشارع حتى لو السيارة تحت بيتك
بالبلدى كدة , تعريف الجمارك و الضرايب بالنسبه للدول المنتجه و الدول الأستهلاكيه إلى مصر منها
طبعا حبيت أعمل الموضوع بالبلدى أصل مش هفضل أتكلم كلام محدش هيفهمه ولا أنا أصلا هفهمه , لكن نبسط الموضوع على بعض و نقول كلمة حق بقى , الجمارك و الضرايب هنتكلم فيهم حته واحدة مش كل واحدة لوحدها يعنى , و تعتبر الجمارك و الضرايب من الأموال السيادية التى يخضع لها الجميع وبتتوظف فى كذا حاجة لصالح الدولة بالتأكيد مفيده جدا لأى دولة لكن إذا تم توظيفها بشكل صحيح , المفروض بيكون فيه حد أدنى و حد أقصى للجمارك والضرايب دى سواء كانت دولة منتجه أو دولة أستهلاكيه , و الهدف من رفع سعر الجمارك والضرائب دائما حمايه المنتج المحلىو من هنا هتيجى الكارثة و الصدمه
طيب ماتيجى نقارن مصر بأيطاليا مثلا أو فرنسا
لما نيجى نقول أن أيطاليا بتعمل السيارة فيات بسعر مثلا 10 جنيه
دولة تانيه بتعمل مواصفات أعلى من الفيات الفنيه بتصميم تانى أفضل و بأسم تجارى تانى مثلا زى كيا بـ8 جنيه
هل مثلا لو الكيا دخلت فى أيطاليا بعد جمارك و ضرايب و سعرها بقى 10 جنيه برضة زى الفيات هل الفيات هتتباع ؟
بالتأكيد لأ فبيتم رفع سعر الجمارك و الضرايب لحماية المنتج المحلى إلى هوا مثلا الفيات عشان ميخسرش و دة يبيع و دة يبيع و إلى غاوى نزاهه ينقط بطاقيته زى مابيقولوا بس على الأقل كله هيتباع و الشعب هيكون راضى تماما عن قوانين الجمارك والضرايب
بس حاسب هنا , أيطاليا دولة منتجة , طيب مصر بقى !؟ مصر دولة أستهلاكيه زيها زى أى دولة عربيه بس الفرق أن فيه دول عربيه كتير بتراعى ظروف شعبها وعامله جمارك و ضرايب أقل بكتير من مصر لكن برضة دا ميمنعش أنها جماركها و ضرايبها أعلى كمان من المعترف بيه على المستوى الأوروبى و العالمى
لو جينا بصينا على مصر دولة أستهلاكية 100% يعنى مفيش صامولة بتتعمل فيها وكداب إلى يقول أن توكيل زى شيفروليه أو هيونداى أو الحاجات دى بتصنع حاجة لأ دا كدة أحنا بنضحك على بعض بقى , كل إلى بيحصل أن مفيش أنتاج فى مصر محلى تماما لكن كل إلى بيحصل أن السيارات دى بتيجى و بيتم تجميعها يعنى مفيش منتج محلى و لكن فيه توكيلات حط دة هنا و ركب دى هنا و بقيت عربيه من غير أى تصنيع
طيب النصوص و الأتفاقيات فى كل العالم بتقول أن الجمارك والضرايب عشان تحمى منتج محلى مش توكيل بتاع راجل أعمال
طيب من هنا بييجى دور الحكومة إلى بتوصل ساعات الضرايب + الجمارك = 300%
طيب أنت أية المنتج المحلى عندك عشان تخليها 300% بتحمى مين ؟ بتحمى غبور و أبو الفتوح و منصور !؟ و دلوقتى أى توكيل لما بيشوف العربيه بدأت تبيع عدد كبير بيرفعلك سعرها حوالى 20 ألف جنيه زيادة و شوفوا الدايو والهيونداى كانت بكام زمان و دلوقتى بقيت بكام
طيب سمعنا أن فيه دول مستهلكه زى مصر و الجمارك والضرايب على العربيات الأقل من 1300 سى سى الحد الأقصى للضرايب و الجمارك الأتنين مع بعض 15% يعنى أعلى حاجة ممكن تدفع 15% فى الدول دى عشان مستهلكه مفيش عندها أنتاج سيارات , لكن مصر بالنظام إلى بتعمله بتاع الـ300% دة كأن مصر دى مثلا ترسانه التصنيع الذى لم يسبق لها مثيل و يا أما تنتجوا لينا سيارة بالفعل يا أما الشعب كله هيعرف أن فيه سرقة فى الجمارك و الضرايب و الخبر فى مصر الحمد لله بقى ينتشر زى الصواريخ طيب فيه واحد شايفه بيفكر يقولى الدنيا زحمه و بنمشى فوق بعض و الكلام دة كله
متقلقش فيه موضوع فى نقس القسم بتاع الجمارك والضرايب و السرقة إن شاء الله قريب جدا هعمله
بيتكلم أنه مش ذنب الشعب المصرى الزحمه إلى معمولة دى بس طبعا مش هقدر أنكر أن فيه ناس السبب
أتدلعى يا زوبة , نانو أيجيبت فى فى طريق الأسماعيليه مش قادرة تشيل نفسها
شوفت الفيديو دة قعدت أضحك بصراحه من أول وهله كدة لأن العربيه ماشية أساسا مش قادره تجرى أو تشيل نفسها زى مابيقولوا و الغريبه أنهم بيصوروها و هيا ماشيه كأنها طفل صغير أتعلم المشى قريب , و لكن برضة عايز أقول حاجة أن دى أعلى فئة فى النانو أيجيبت إلى بيقولوا عليها بـ42 ألف جنيه يعنى مين إلى يجيب العربيه دى بالسعر دة و بالمواصفات دى مش قادرة تشيل نفسها أساسا زى مابيقولوا على فكرة لو فتحتوا الكبوت دة هتلاقى ماتور توك توك و علبتين بلاستيك لحد دلوقتى مش عارف دول أزاى مشغلينها و بيقولوا عليها عربيه ! على العموم تعالوا نشوف نانو أيجيبت و هيا بتتمخطر فى طريق الأسماعيليه
الفيديو فى طريق الأسماعيليه
النيل الأخباريه و البلد بتولع جايب تقرير كاذب عن نانو أيجيبت و مقابلة رضا غازى
نفس التقرير إلى كان موجود على قناة المحور و نفس أسلوب الدعايه الفاسد لعملية نصب على الشعب المصرى و المستهلكين تم الأعلان عن نانو أيجيبت فى قناة النيل الأخباريه و برضة مفيش أى مواصفات فنيه تم ذكرها غير أستهلاك الوقود و السعر و طبعا السعر دة أكتر من مواصفاتها الفنيه لأنها زى ماقولت متستاهلش حتى 10 ألاف جنيه و دايما بيجربوا الأصدار الأقوى من نانو أيجيبت لأن الأصدار الأقل مفيهوش مارشدير فتخيل دى أعلى فئة فى السيارة يبقى الأقل عبارة عن أية !؟ و لكن بما أن القناة قابضة فلوسها من التقرير يبقى يتم عرض أى حاجة مفيش مشاكلالأغرب و الأنيل ان ميدان التحرير كان مولع فى الفترة دى مظاهرات و البلد فى حاله ضايعة و هما جايبين تقرير عن عملية نصب جديدة و الغريبه أنهم بيقولوا عليه المهندس رضا يعنى برضة مفيش أعداد للبرنامج أو التقرير لأن رضا غازى معاة أعداديه فقط
و من المعروف بس أحب أفكركم دايما أنه تم تغريم رضا غازى مبلغ 100 ألف جنيه بحكم القضاء المصرى لمصنع الأنتاج الحربى لأستغلاله أسم مصنع الأنتاج الحربى و التربح و النصب على الناس
الفيديو و نعتذر لكم على جودة الصورة و الصوت
فكرة جديدة لركن السيارات بمجهود ذاتى فى سيارة رينو 5 فى مصر من أشخاص بسيطة
الموضوع دة منتشر فى منتديات و مواقع كتيرة بس حبيت أعرضة بفكرة تانيه خالص أن الموضوع ممكن يكون مش أبتكار لأن فيه ناس كتيره أكدت أن الموضوع دة معمول فى سيارات أخرى عالميه و بتنزل أصدارات تجريبيه , و لكن دة ميمنعش طبعا أن إلى عمل كدة دة من الأذكياء فى مصر و بجد كل تقديرنا له لأنه قدر يعمل حاجة شركات ومصانع كبيرة عملتها و عملها بمجهود شخصى و أكيد لو فيه مشروع أنتاج أول سيارة فى مصر ممكن فكرة زى دى تفيد كتير فى كماليات السيارة المنتظرة أو الحلم المنتظر فى مصر , وبما أن مصر دولة فيها أزدحام و بالتالى الناس بتواجه صعوبة فى الركن لأن الركن مش بيكون بوش العربيه لأ دا بيكون بجمب العربية و فيه ناس كتيرة عربياتها بتتجرح من الموضوع دة فأكيد لو فيه سيارة أصلا أنتاج مصرى قريب و أتعملت الفكرة دى طبعا بتقفيل و تقنيه أفضل هتكون أسهل فى الركن طبعاالفكرة عبارة عن أطار خامس فى السيارة بينزل بجانب الأطارات الخلفية و لكن بالعرض و بيتم سحب السيارة لمكان الركن بطريقة مباشرة و توفر الوقت
التجربه مصورة بالفيديو بالكامل و ده الفيديو
قناة المحور وبرنامج 48 ساعة و سقطة أعلاميه و دعاية لسيارة نانو أيجيبت بدون أى أعداد أو ذكر مواصفات
أول كدبة أن مصر دايما بتتكلم عن الأنتاج و الصناعات , تانى كدبة أن فيه مبتكر و مخترع مصرى عمل نانو أيجيبت و فى الأخر نكتشف أنه معاة أعداديه يعنى حتى مفيش أعداد للبرنامج يعرف المخترع و المبتكر دة سيرتة الذاتيه أية , و مش عارف ليه هيا عمالة ترجرج فى الكلام , و مقدم التقرير نفسى أعرف بيتكلم كدة ليه و خريج أية أساسا يعنى بزمتكم دة أعلام !؟الفشل الأكثر فى التقرير أنه لم يتم ذكر أى مواصفات فنيه للسيارة , بمعنى أن متقالش كام سى سى و متقالش سرعة الدوران و التسارع و بتوليد كام حصان بالظبط , كدبه كمان أنها أرخص عربيه فى مصر هيا أصلا مش عربيه و مش الأرخص لأن ممكن بسعرها يتجاب عربيه مستعملة كورى فرنسى أو أى حاجة أنضف مليون مرة , أتكلم وقال أن السيارة أتباعت فى الصين كتاكسى و شكله مش أخد باله أن التاكسيات فى الصين بتكون أقوى من كدة بكتير و طبعا بمواصفات فنيه عاليه جدا لأن روح الناس هناك مش لعبه زى مصر و الجمله دى متفق عليها عشان طبعا يتطمن الشخص إلى بيتفرج على التليفزيون , كدب تانى و قال أن جالهم عروض من السعوديه و قطر دا على أساس أنهم هيسيبوا العربيات إلى بيستوردوها سواء يابانى أو أمريكانى و أنواع فاخره أوى و هيبصوا لدى !؟ , و بيقول أنه لازم فى مصر تكون السيارات من الخارج صغيرة و من الداخل واسعة عشان ياخد فيها أسرتة دا على أساس أن فيه واحد ممكن يضحى بعيلته بالكامل و يركبهم عربيه مفيهاش أى وسيلة أمان أو أساسا مش هتجرى بيهم
طبعا للأسف أراء كل الناس كانت فى صالحه لأن الناس مش عارفة حاجة و مش عارفة ممكن بالسعر دة يجيبوا أية
بالنسبه بقى للى عامل التقرير دة أية إلى عملة فى أخر التقرير دة !؟ يعنى دى مش دعايه !؟ و أصرار مقدمين البرامج للدعايه
الفيديو و تقرير قناة المحور فى برنامج 48 ساعة
بالذمه و الدين مش عيب قناة زى المحور ميكونش فيها فريق أعداد و ينشروا خبر لنصاب تم مقاضاتة من مصنع الأنتاج الحربى و حكم ضده بتعريمه 100 ألف جنيه و بيقولك مخترع و هوا معاه أعداديه !؟
عيب يا أعلام يا مصرى الكلام دة والله
بالفيديو و التقرير : محاولة أنتاج سيارة مصرية من أشخاص بسطاء و تم أنتاجها بالفعل على سبيل الأقتناء و التجربه
فى محاولة لأنتاج سيارة مصريه بالكامل و لكن ماعدا الميكانيكا , تم أنتاج سيارة و لكن ليست هذه المرة بالصاج المرة دى ( بالخشب ) لم يتم أنتاجها عن طريق شركة أو مصنع كبير و لكنهم أشخاص بسطاء و قالوا كالأتى , أن هناك أعجاب بالشكل والتصميم من الجميع و أن الفكرة جائت من البدايه لحلم صناعة سيارة بصناعة مصريه كاملة و بشكل مميز مثل اللامبرجينى و أنسيابيتها و بأقل تكلفة من السيارات الأجنبيه و قريب من حب الناس لهم و الماتور 3500 سى سى و قوى و ثابتة و شاسيه قوى و فى مرحله قادمه سوف يعدلون أى أشكال و مخطط كهرباء كامل و واجهوا صعوبة لشراء قطع الغيار الميكانيكا و أستغراب التجار من صناعة سيارة بالخشب
الفيديو بالتقرير الكامل
فتخيل أشخاص بسطاء و عباقرة قاموا بتصنيع سيارة بالكامل
فهل الشركات و التوكيلات و المصانع المصريه غير قادره على أنتاج سيارة ؟ و لماذا ؟ و من المستفيد من أرتفاع الأسعار فى مصر ؟
صور من محاولة لصنع أول سيارة مصريه
خدعوك فقالوا أرخص سيارة فى العالم بـ2500 دولار و فى الأخر نكتشف أنها بـ7000 جنيه مصرى
من فتره لقينا ضجه بالفعل عن سيارة هنديه أسمها تاتا نانو و دى إلى أتسرقت فكرتها و أخدها رضا غازى سواء كانت بالأسم أو بالصفة أنها أرخص سيارة فى العالم و لكن كل الجرائد المصرية كذبت فى نشرها للخبر و دا عشان الشعب المصرى ميحصلوش حاجة و يموت من الصدمه , طبعا كل الكلام أن السيارة سعرها 2500 دولار , طيب هما مفكروش أزاى فى أن فيه أصدار أوروبى من تاتا نانو كانت الشركة بتطمح لدخولها إلى السوق الأوروبية , بس لو تركزوا شوية هتلاقوا أن الـ2500 دولار دا سعر السيارة المجهزة بالكامل و سعر بيعها فى أوروبا يعنى مش سعر بيعها فى الهند
طيب أية مدى صحة كلامى دة !!!؟
يعنى أنا معودكم من زمان تصدقوا كلامى بالدلايل بس متقلقوش كل حاجة جاهزة
و دا فيديو عن الأعلان الرسمى للسيارة فى الهند
ركز فى أخر الأعلان
عارف سعرها كام !!؟
60.000 INR و دى عملة الهند
طيب ماتيجى نعرف السعر كام بقى !؟
100.00 INR = 11.8545 EGP
يعنى الـ100 روبية تساوى 11.85 جنيه
يعنى سعرها بالكامل الـ60.000 روبيه هندى تساوى حوالى 7000 جنيه مصرى من غير ماحسبها بأله حاسبه ولا حاجة
فهل بقى الأعلام المصرى حب يدارى الفضيحه و عدم قدرت التوكيلات و المصانع فى مصر بأنتاج سيارة بالسعر الذى تم نشرة فى الأعلام والجرائد ولا من الأصل مكانش فيه فريق أعداد يعرف سعر السيارة فى الدولة كام بالظبط ؟
الفرق مابين تاتا نانو الهنديه و نانو أيجيبت المصريه بالصور و الفيديو
طبعا فيه ناس كتيرة أوى فاكرة أن تاتا نانو الهنديه أرخص سيارة فى العالم عام 2010 هيا نفسها نانو أيجيبت النصبه الكبيرة , لكن أحب أقولك أن فيه أختلاف كبير جدا بحيث أن تاتا نانو سيارة للفقراء الهنود بدلا من الموتوسيكل و هذه سيارة و لكن النانو أيجيبت بمواصفات أقل من التوك توك الأسود , طيب ماعلينا من المواصفات الفنيه لأنى قولت عنها كتير فى مواضيع كتيرة هنا بس هندخل فى الشكل و التصميم
 | |||
| دا شكل تاتا نانو الهنديه |
 | |
| دا شكل نانو أيجيبت |
طبعا مش هكتفى بالصور بس لكن بالفيديوهات كمان
دى منتجات شركة Yogomo إلى بتاخد منها نانو أيجيبت السيارة منها و طبعا أتفرجوا على شكل الميكانيكا عاملة أزاى دا طبعا غير التقفيل و واضح أنها مفككة من بعضها
لكن دى تاتا نانو إلى سعرها حوالى 60 ألف روبيه يعنى سعرها حوالى 7287.85 جنيه مصرى يعنى 7 ألاف جنيه مصرى و أنا مش جايب الكلام دة من عندى دا من الأعلان نفسه والأعلان بيوضح أن السيارة كانت هديه لطفلة
و دا كمان فيديو تانى ليها
أى نعم تاتا نانو الهنديه معمولة لطبقات معينه أو تقدروا تقولوا سيارة أقتصاديه و مكانش عيب تدخل مصر فى المشاوير الصغيره بدل الحاجة الغريبه إلى دخلت مصر دى بدون أى رقابة لكن تقولوا أية بقى للى مش عايزين الناس تركب أى حاجة إلا كورى و صينى و بسعر مضاعف يعنى تقدر تحط نقطة فى اليمين و شوف سعر أقل عربيه فى مصر كام
مواقع تابعة لنا
-
أكبر مكتبة لتعديل لادا أوكا فى العالم و تصاميم و نماذج و افكار جديدة لأول مرة ستشاهدها (19 صورة) - *طبعا قليل جدا أو يعتبر مفيش فى مصر حد يفكر يعمل المنظر دة* *حد هيقولى ليه ماهو التعديلات منها سهل و بسيط و بتدى منظر جميل للعربيه فى الأخر* *بس الكلام دة...
